Medi/September 07 | Mehefin/June 07 | Mawrth/March 07 | Ionawr/January 07 | Tachwedd/November 06 | Hydref/October 06 | Mehefin/June 06 | Chwefror/February 06
11 Medi 2007
Byd Busnes - Cyfle Unigryw i Fusnesau Cymru
Mae Y Byd, y papur dyddiol cenedlaethol newydd, yn lansio cynllun cyffrous a chyfle unigryw i fusnesau Cymru. Mae wrthi'n sefydlu clwb arbennig i bobl busnes fydd yn eu galluogi i chwarae rhan allweddol yn y papur o'r cychwyn cyntaf. Bydd cannoedd o fusnesau Cymreig yn cael eu gwahodd i ymaelodi â Byd Busnes a manteisio ar nifer o fuddiannau unigryw.
Y Byd yw'r papur dyddiol cyntaf erioed yn Gymraeg a bydd yn lansio ar Fawrth y 3ydd, 2008.
Bydd Y Byd yn cynnwys newyddion lleol, cenedlaethol, a rhyngwladol, ac mi fydd yn rhoi blaenoriaeth ddyddiol i newyddion busnes yng Nghymru.
Bydd aelodau Byd Busnes yn derbyn:
- Disgownt ar hysbysebu yn Y Byd
- Gwahoddiad i ddigwyddiadau cyson yn arbennig i bobl busnes ymhob rhan o Gymru
- Gwahoddiad i ginio blynyddol Byd Busnes
- Aelodaeth o Glwb Gwin Y Byd
- Cyfle i gael eu rhestru yng nghyfeirlyfr busnes Y Byd
- Tanysgrifiad blynyddol i Y Byd a mynediad i'r papur ar y we
- Cyfle i fuddsoddi yn y papur dyddiol cenedlaethol.
Mae mantais sylweddol o safbwynt treth ar gael o fuddsoddi yn Dyddiol Cyf., sef y cwmni sy'n sefydlu Y Byd. Bydd y rhan fwyaf o fuddsoddwyr yn gymwys am ryddhad treth dan ganllawiau'r 'Corporate Venturing Scheme' (i gwmnïau) neu'r 'Enterprise Investment Scheme' (i unigolion).
Dywedodd Guto Bebb, Rheolwr Partneriaeth Egin, sy'n cydlynu Byd Busnes,"Mae mawr angen papur newydd dyddiol Cymraeg ar Gymru sydd yn cynnwys straeon busnes safonol. Mae gan fusnesau Cymru gyfle i fod yn rhan o lwyddiant y papur dyddiol cenedlaethol.
Mae Y Byd yn bwriadu rhoi cyfle cyson i bobl busnes Cymru gwrdd er mwyn trafod, rhannu syniadau a gwybodaeth. Mae Y Byd yn bwriadu bod yng nghanol y byd busnes Cymreig ac fe fydd bodolaeth papur cenedlaethol bob dydd yn hwb i fusnesau o bob math yng Nghymru".
DIWEDDAm fwy o wybodaeth cysylltwch â:
- Guto Bebb, Partneriaeth Egin ar 01286 677 027 neu guto.bebb@btconnect.com
- Lleucu Cooke yn Cambrensis ar 029 2025 7075 neu lleucu@cambrensis.uk.com
- Aled Price (Golygydd) neu Rebecca Williams (Rheolwr Cyffredinol) ar 01970 621998 neu neges@ybyd.com
- Mae Y Byd, y papur dyddiol cenedlaethol, yn lansio ar ddydd Llun, y 3ydd o Fawrth 2008.
- Y Byd yw'r papur dyddiol Cymraeg cyntaf erioed.
- Bydd Y Byd yn mynd i'r wasg 5 diwrnod yr wythnos ac yn cael ei ddosbarthu i bob rhan o Gymru.
- Mae Y Byd yn bapur annibynnol, wedi ei dargedu at ddiddordebau darllenwyr Cymraeg.
- Pris Y Byd fydd 70c dydd Llun i ddydd Iau, a £1.20 ar ddydd Gwener yn cynnwys atodiad penwythnos
- Mae tanysgrifiadau i Y Byd ar werth ar hyn o bryd gyda gostyngiad o hyd at 25% i danysgrifwyr
- Mae modd tanysgrifio i'r papur ar-lein yn unig am bris gostyngol
