Ion
14
Adolygiad o’r Wasg
Categorïau: Y Byd |
Fe gyhoeddwyd arolwg Dr Tony Bianchi o’r wasg brintiedig cyfrwng Cymraeg y bore yma.
Mae’n cynnwys gwybodaeth ac argymhellion diddorol iawn.
Mae’r adroddiad cyflawn wedi ymddangos ar wefan Bwrdd yr Iaith Gymraeg
http://www.bwrdd-yr-iaith.org.uk/cynnwys.php?pID=109&nID=2845&langID=1
Siomedig iawn nad oes neb wedi rhoi sylw ar yr adolygiad o’r wasg Gymraeg. Onid yw hyn yn dangos apathi gan y “buddsoddwyr” a chan y cyhoedd yn gyffredinol, ac felly yn cadarnhau casgliad Tony Bianchi na fydd hi yn hawdd i gwerthiant y papur cyrraedd y targed?
“…dosbarth cefnog, cysurus sy’n dibynnu ar y Gymraeg am ei fara beunyddiol ac na fyddai’n ddim o gwbl heb y Gymraeg: athrawon, darlithwyr, gweinyddwyr o dan y drefn newydd a phobl y cyfryngau. Mae llesgedd, sinigiaeth, hunanoldeb a chrintachrwydd llawer o’r bobl hyn yn wyneb menter Y Byd yn arwydd unwaith eto o’r ‘rhywbeth mawr iawn o’i le’…”
Wel, wel…a oes angen dweud mwy?
Cytuno cant y cant a sylwadau’r Martin arall.
Ychydig dros saith cant sy’ wedi tanysgrifio.
Ymholiad i bawb sy’n medru darllen hyn (h.y. darllenwyr Cymraeg);
“Os nad ydych wedi tanysgrifio i’r Byd, pam?”
Dw i ddim eisiau eich ateb, ond meddyliwch am eich ateb fel pe bai eich plentyn yn gofyn (Dad/Mam, pam nad oeddech chi eisiau papur dyddiol Cymraeg?). Pa fath o esgus fydd gennych, tybed…
Dyma un o argymhellion yr adolygiad: ‘bod unrhyw arian a gynigir i bapur dyddiol Cymraeg yn cael ei weinyddu a’i fonitro gan Gyngor Llyfrau Cymru…’
Onid yw hwn y quango a laddodd y cylchgrawn ‘Cynefin’? Gyda ffrindiau fel hyn pwy sydd eisiau gelynion?
Un o sylwadau Dalen Newydd Cyf. (hoffi’r enw!) yn yr adroddiad (h.y. tra’n son am Golwg):
“Ansicrwydd ieithyddol. Ni allwn byth fod yn gwbl hyderus o allu cyrraedd diwedd brawddeg heb lithro ar ryw groen banana gramadegol.”
Yn ychwanegol at hyn- mae ambell i lythyr o fy eiddo i wedi ymddangos yn Golwg yn ystod y blynyddoedd diwethaf. Os yr wyf i yn euog o wall ramadegol yna rhaid syrthio ar fy mai. Ond yr hyn sydd wedi fy ngwylltio i ambell waith yw bod llythyr wedi cael ei gyhoeddi hefo ambell i gamsillafiad- neu, yn gywirach- camdeipio gan staff Golwg. Gwarthus! Mwy o ofal, os gwelwch yn dda.
Nid wyf i yn derbyn cyflog neu siec am y llythyron. Faint o bres mae e.e. Lisa Reich yn ei gael am ei cholofn chwydlud yn Golwg?
Mi fydd gan Y Byd golofn lythyrau wirioneddol ddifyr, egniol a phrysur. A bydd Y Byd yn ofalus iawn ac yn ddigon proffesiynol i beidio camdeipio a gwylltio’r llythyrwr!
Cywiriad: ‘Dan Haul’ nid ‘Cynefin’(ond efallai Cynefin hefyd)
Mae Rhodri Glyn Thomas wedi gwneud datganiad wythnos diwethaf ynglyn a’r dolygiad i’r wasg - yr adolygiad yr oedd y Byd yn disgwyl ei ganlynid ar ol gohirio ei lawns.
Mater o gonsyrn yw nad oes dim ar y wefan hon yn dweud beth yn awr yw amcanion y Byd nag unrhyw drafiodaeth o gwbl wedi bod am y mater.
A gawn ni wybod beth yn union sydd yn digwydd. Mae’r cyhoedd cymraeg yn haeddu cael gwybod siawns- siawns, ac mae dyletswydd moesol at y cyfranddalwyr.